Haree baleia: Estasaun baleia bamai iha Oé-Cusse baibain iha fulan Outubru no Dezembru. Hahú Ita-nia loron iha kafé bar  iha central  Pante Makassar no aproveita atu haree baleia sira ka sente de’it laran-kmaan no haree vista furak lahalimar husi tasi no tasi-ibun sira.

Paddleboarding: Esplora vida marinha nebe’e maka barak ho ahu ruin Pante Makasar ho snorkel.iha oasis ida ne’e , ita  bele hare espesi ikan barak , lenuk, tuberaun ahuruin, no pari manta. Tasi ibun Pante Macassar nebe’e mak hakmatek sei sai ita nian hodi esplora. Equipamentus snorkel , kayak no paddelboard it abele aluga iha: Oé-Cusse Amasat (area tasi ibun mahata): +670 7723 2351.

Pasiar: Kontinua loron no vizita fatin istóriku sira iha Pante Makassar. Memorial Koreanu, Colegio Mane Misionarias Madre Dominicana, Kumando, Igreja Nossa Senhora  do Rosasirio, Ruinhas palacio Liurai Oé-Cusse, Kapela Santo Antonio Nispeno, Gruta Santo Antonio Polsiba, Cemiteriu tuan Santa Roja, Fatu-Suba, Monumentu Lifau, Centru Social Nossa Senhora de Fatima, Ponte Noefefan, Merkadu Numbei.

Ba viajén iha Pante Macassar no ninia presu bele kontaktu madalan lokal nian: Nadia Oematan Heywood (+670) 78601765, Mario Oematan (+670) 75575273 no Jacob Fernandes (+670) 75626618.

Pasiar iha foho: Bá loron balun pasiar tuir mota ne’ebé remata ho bee-tudan furak lahalimar bolu Fonte Sagrada no hetan ba buat ne’ebé ema lokál uza mota ba no tipu eventu kulturál no adat sira mak hala’o iha ne’e.

Homan ai-tali: Vizita lubun ne’ebé homan ai-tali bolu Amsila no aprende atu halo rekordasaun ho ai-tali.

Soru Tais: Haree tipu tais sira mak halo iha komunidade Fonte Sagrada no koko saia tradisionál ruma lubun feto Bertais Boboloa mak halo.

Serámika Tradisionál: Haree serámika tradisionál ne’ebé lubun feto Sanan Rai mak halo no koko Ita-nia kbiit atu halo serámika.

Atu halo vizita no tour sira iha área Fonte Sagrada favór kontakta matadalan lokál: Abelino Eli Tel:(+670) 75499617.

Pasiar iha foho: Pasiar minutu 45 iha Ain-fatin Foho Pais no haree vista ba Timor-Leste no Indonézia. Foho Pais sai nu’udar fatin importante iha istória husi komunidade Oé-Silo nian. Ne’e sai parte husi rai ne’ebé ema Indonézia no ema Timor-oan sira hadau malu no Timor-Leste mak manán. Foin daudaun, ain-fatin ne’e sai nu’udar fatin peregrinasaun, liuliu durante Sesta-Feira Páskoa bainhira ema lokál sira la’o ain-fatin ne’e no halo adat animista sira iha foho nia tutun.

Pasiar – Geiser Tahu sira:  Paisajen ho tahu mak nakali hein Ita iha foho sentrál Oé-cusse nian naran Oé-Silo – esplora fatin jeotermál ne’e no haree oinsá mak forma rai ne’ebé hale’u.

Patrimóniu Kulturál: Uma Lulik nu’udar Uma Tradisionál Esperiénsia lotuk liu ne’ebé makdalan bele hetan atu vizita tempu liubá no aprende oinsá mak kultura sira han malu ho natureza durante sékulu sira hanesan vizita ba uma lulik iha Oé-Silo. Vizita Uma Lulik no aprende kona-bá prátika no adat sira ne’ebé hala’o ohin mós.

Nuu Been Refinadu: Husu ba Ita-nia matadalan lokál atu vizita lubun feto Fatu Metan, ne’ebé hela besik fronteira ho Indonézia. Iha ne’e, lubun feto sira halo nuu mina refinadu liuhusi métodu tradisionál sira.

Atu halo vizita no tour sira iha área Oé-Silo favór kontakta matadalan lokál: Antonio Metan Tel: (+670) 75113458.