Kompañia tolu halo kobertura ba telemóvel no Internet iha OéCusse. Timor Telecom no Telemor sai nu’udar kompañia sira mak populasaun lokál uza liu. Telemor hatudu asesu di’ak liu iha fatin foho sira. Ikusmai, bele hetan kompañia datoluk husi Indonézia: Telkomcel. Ba kompañia ruma, métodu pagamentu sai hanesan: Ita hola “pulsa” (kartaun ho kódigu ne’ebé halo rekarga ba osan ne’ebé hela iha Ita-nia SIM card) liuhusi toko sira barakliu husi Oé-Cusse. Kompania tolu ne’e mos iha sira nia loja ofisial iha Pante Makasar hodi bele hola pulsa.
Hanesan Iha Timor-Leste tomak, Moeda iha Oé-Cusse maka Dolar Amerikanu. Ba valor ki’ik, Ih Koin Sentavu Timor-Leste nian ne’ebe hahu hosi sentavu 5 to’o $2 (sentavu atus rua). Iha mos makina ATM 4 iha Sidade Oé-Cusse. Makina ATM sira ne’e so deit ba banku lokal (nasional) deit inklui BNU, Mandiri, BNCTL no BRI. Presu normal ba han meudia iha restaurante sira iha variadade hosi $1.50 to’o $4. Ojek bele lori ita bot sira ba fatin hotu-hotu iha sidade Pante Macassar ho presu $0.50 (sentavu 50) to’o $1. Alojamentu (depente hosi tempu ) variadade hosi $20 to’o $50 kalan ida mas baratu liu bainhira hela ba tempu naruk.
Oé-Cusse fatin ida ne’ebe furak atu mai ho labarik sira. Maioria dalan sira iha Pante makasar iha dalan ki’ik nebe’e diak ba kareta bebe. Popok, susu formula no nesesidade sira seluk ba bebe nian desponivel iha loja sira iha Pante Makasar, maibe sei viajén dok hosi sidade, tenki prepara abastesimentu ne’ebe suficiente. Labarik iha Oé-Cusse barak atu halimar ho ita nia oan sira.
Oé-Cusse hetan patrimóniu lian nian boot tebes tanba hetan influénsia barak liuhusi istória. Konforme Timor-Leste seluk, lian Tétum no Portugés sai nu’udar lian ofisiál sira. Maske, la’ós ema hotu ko’alia Portugés no lian lokál mak ko’alia liu sai nu’udar Lais Meto (Baikeno). Ema lokál mós ko’alia didi’ak lian dahaat: Lian Bahasa. Lian Inglés sai nu’udar lian foun maske aktivu. Dala balu, reuniaun sira hala’o ho lian Inglés hodi inklui ema raiseluk sira, maske ema oituan de’it ko’alia lian Inglés li’ur Pante Macassar, sidade prinsipál husi Oé-Cusse.
Pante Makasar iha Ospital ho kualidade diak no fatin emergencia nebe’e maka desponivel durante oras 24. Ospital ne’e normalmente kompostu hosi equipa ida maka doutor internasional no nasional sira ne’ebe fornese saude primeiria ho diak. Tratamenu livre ba estranjeiru , maibe ba operasaun no kestaun komplikadu , presija viajen ba Dili . iha mos klinika ho doutor internasional sira. Be’e tourneira iha Oé-cusse labele hemu direta maibe bele hemu depoisde nono tiha. Iha mos farmasia barak iha sidade Pante Makasar nebe’e iha aimoruk oioin.
